ਤੂੰ ਜ਼ਿੰਦਗੀ ਦੀ ਲਗਾਤਾਰਤਾ ਦਾ ਨਾਂਮਾ
ਤੂੰ ਇਕ ਚੁੰਮਣ
ਬੁਲ ਲੈਣ ਜਦੋਂ ਤੇਰਾ ਨਾਂ ।
ਪੰਜਾਬੀ 'ਚ ਬੇਬੇ,
ਹਿੰਦੀ 'ਚ ਮਾਂ,
ਉਰਦੂ 'ਚ ਅੰਮੀਂ,
ਇੰਗਲਿਸ਼ 'ਚ ਮੰਮੀਂ,
ਮਾਂ! ਤੂੰ ਇਕ ਚੁੰਮਣ
ਬੁੱਲ ਲੈਣ ਜਦੌਂ ਤੇਰਾ ਨਾਂ।
ਮਾਂ!
ਤੂੰ ਕੈਸੀ ਬਲਾ*!
ਠੰਡੀਆਂ-ਠਾਰਾਂ 'ਚ ਨਿੱਘ,
ਤੱਤੀਆਂ ਤਪਾਂੜਾਂ 'ਚ
ਠੰਡੀ,ਘਣੀ ਗਾੜੀ ਛਾਂ!
ਮਾਂ ਤੂੰ ਕੈਸੀ ਬਲਾ!
ਮਾਂ!
ਤੂੰ ਬੇਰੋਕ ਵਹਿਣ,
ਵਧਦਾ ਵਹਾਅ,
ਤਿਆਗ ਤੇ ਦਿਆਲਤਾ ਦੀ
ਤੇਰੀ ਸਾਂਝੀਵਾਲਤਾ ਦੀ,
ਉਚੀ-ਸੁੱਚੀ ਥਾਂ
ਮਾਂ! ਤੂੰ ਜ਼ਿੰਦਗੀ ਦੀ ਲਗਾਤਾਰਤਾ ਦਾ ਨਾਂ
ਮਾ
ਤੂੰ ਇਕ ਚੁੰਮਣ
ਬੁਲ ਲੈਣ ਜਦੋਂ ਤੇਰਾ ਨਾਂ
* ਬਲਾ ਤੋਂ ਭਾਵ ਸ਼ਕਤੀ ਤੋਂ ਹੈ।
No comments:
Post a Comment