ਉੱਠੋ-ਉੱਠੋ ਨੌਜਵਾਨੋ ਤੁਸੀੰ ਭਗਤ, ਸਰਾਭੇ ਦੇ ਵਿਚਾਰ ਬਣਕੇ
ਉੱਠੋ-ਉੱਠੋ ਨੌਜਵਾਨੋ...................
ਏਦਾਂ ਸੁੱਤਿਆਂ ਤਾਂ ਵੇਲੇ ਹੁਣ ਲੰਘਣੇ ਨਹੀੰ
ਹੱਕ ਮਿਲਣੇ ਨਹੀੰ ਜੇ ਤੁਸਾਂ ਮੰਗਣੇ ਨਹੀੰ
ਪੈਣਾ ਜਾਗਣਾ ਹੱਕਾਂ ਦੇ ਪਹਿਰੇਦਾਰ ਬਣਕੇ
ਉੱਠੋ-ਉੱਠੋ ਨੌਜਵਾਨੋ.................
ਮਨਵਾਉਣੀਆਂ ਇਹ ਮੰਗਾਂ ਕੋਈ ਔਖੀ ਗੱਲ ਨਹੀੰ
ਨੱਕ ਵਿੱਚ ਦਮ ਕੀਤੇ ਬਿਨਾ ਹੋਣਾ ਹੱਲ ਨਹੀੰ
ਖੜ੍ਹ ਜਾਵੋ ਹਾਕਮਾ ਦੇ ਲਈ ਵੰਗਾਰ ਬਣਕੇ
ਉੱਠੋ-ਉੱਠੋ ਨੌਜਵਾਨੋ...................
ਮੰਜਲਾਂ ਨੂੰ ਸਰ ਕਰਨਾ ਜਵਾਨੀਆਂ ਦਾ ਕੰਮ
ਦੱਸੋ ਹੋਰ ਕਿੰਨਾ ਚਿਰ ਹੈ ਲੁਹਾਉਂਦੇ ਰਹਿਣਾ ਚੰਮ
ਭੀਖ ਵਾਂਗੂ ਨਹੀੰ ਮੰਗੋ ਦਾਅਵੇਦਾਰ ਬਣਕੇ
ਤੁਸੀੰ ਭਗਤ, ਸਰਾਭੇ ਦੇ ਵਿਚਾਰ ਬਣਕੇ
ਉੱਠੋ-ਉੱਠੋ ਨੌਜਵਾਨੋ...................
ਨਾਅਰੇ ਕਰ ਦਿਓ ਬੁਲੰਦ ਕੰਬ ਜਾਣ ਸਰਕਾਰਾਂ
ਗਿਣੇ ਜਾਂਦੇ ਓ ਤੁਸੀੰ ਵੀ ਵਿੱਚ ਬੇਰੁਜ਼ਗਾਰਾਂ
ਬੈਠ 'ਖੁਰਮੀ' ਨਾ ਤੂੰ ਵੀ ਲਾਚਾਰ ਬਣਕੇ
ਉੱਠੋ-ਉੱਠੋ ਨੌਜਵਾਨੋ.................
- ਮਨਦੀਪ ਖੁਰਮੀ
No comments:
Post a Comment