“ਸਭ ਕਿਸੇ ਲਈ ਉਤਸਾਹਿਤ ਕਰਨ ਵਾਲਾ ਆਦਰਸ਼, ਉਦੇਸ਼ ਲਈ ਮਰਨਾ ਨਾ ਹੋ ਕੇ, ਉਦੇਸ਼ ਲਈ ਜਿਉਣਾ ਹੋਣਾ ਚਾਹੀਦਾ ਹੈ” ਭਗਤ ਸਿੰਘ

Monday, February 13, 2012

ਲੋਚਦੇ ਹਾਂ ਦੋਸਤੋ........ਸ਼ਹੀਦ ਸਾਥੀ ਅਮੋਲਕ ਸਿੰਘ ਔਲਖ

'ਭਵਿਖ ਮੈਗਜ਼ੀਨ ਦੇ ਨਵੇਂ ਅੰਕ ਵਿੱਚੋਂ'

 ਲੋਚਦੇ ਹਾਂ ਦੋਸਤੋ, ਕੁਝ ਇਸ ਤਰਾਂ ਦੀ ਜਿੰਦਗੀ
ਸੋਚਦੇ ਹਾਂ ਦੋਸਤੋ, ਕੁਝ ਇਸ ਤਰਾਂ ਦੀ ਜਿੰਦਗੀ
    

     ਠੱਗੀਆਂ ਨਾ ਠੋਰੇ ਹੋਣ, ਥੁੜਾਂ ਤੇ ਨਾ ਝੋਰੇ ਹੋਣ
     ਹੱਕਾਂ ਲਈ ਅਵਾਜ਼ ਉਠਾੳਂਦੇ, ਜੇਲਾਂ ਨੂੰ ਨਾ ਤੋਰੇ ਹੋਣ
     ਲੋਚਦੇ ਹਾਂ ਦੋਸਤੋ…
 

ਮਹਿਕਦੇ ਸਭ ਬਾਗ ਹੋਣ, ਬੁਲਬੁਲਾਂ ਅਜਾਦ ਹੋਣ
ਗੀਤ ਗਾਉਣ ਖੁਸ਼ੀਆਂ ਦੇ, ਕੋਈ ਨਾ ਸੰਜਾਦ ਹੋਣ
ਲੋਚਦੇ ਹਾਂ ਦੋਸਤੋ…
  

    ਇਹੋ ਜਿਹਾ ਸਮਾਜ ਹੋਵੇ, ਮੇਹਨਤਾਂ ਸਿਰ ਤਾਜ ਹੋਵੇ
    ਕਾਮਾ ਖੇਤ ਮਿੱਲਾਂ ਦਾ, ਨਾ ਕਿਸੇ ਦਾ ਮੁਥਾਜ ਹੋਵੇ    

    ਲੋਚਦੇ ਹਾਂ ਦੋਸਤੋ…
 

ਅਮਨ ਚੁਫੇਰੇ ਹੋਣ, ਕੋਈ ਨਾ ਲੁਟੇਰੇ ਹੋਣ
ਈਰਖਾ ਕਰੋਧ ਦੀ ਥਾਂ, ਪਿਆਰਾਂ ਲਾਏ ਡੇਰੇ ਹੋਣ,

ਮੁੱਕ ਜਾਏੇ ਅਮੋਲਕਾ, ਇਹ ਜਬਰ ਤੇ ਦਰਿੰਦਗੀ
 
    ਲੋਚਦੇ ਹਾਂ ਦੋਸਤੋ, ਕੁਝ ਇਸ ਤਰਾਂ ਦੀ ਜਿੰਦਗੀ
    ਸੋਚਦੇ ਹਾਂ ਦੋਸਤੋ, ਕੁਝ ਇਸ ਤਰਾਂ ਦੀ ਜਿੰਦਗੀ

1 comment: