ਕੋਈ ਲੱਭੋ ਸੰਤ ਸਿਪਾਹੀ ਨੂੰ..........ਚਰਨਜੀਤ ਛਾਂਗਾ ਰਾਏ

ਸਰਬੰਸਾਂ ਦਾ ਦਾਨੀ ਹੋਵੇ,

ਜੁਲਮਾਂ ਮੂਹਰੇ ਕੰਧ ਬਣ ਖੜ ਜੇ,

ਦੇ ਸਕਦਾ ਕੁਰਬਾਨੀ ਹੋਵੇ,

ਪੋਤਿਆਂ ਨੂੰ ਗੋਦੀ ਵਿਚ ਲੈ ਕੇ

ਕੁਰਬਾਨੀ ਦੀਆਂ ਮੱਤਾਂ ਦੇਵੇ,

ਕੋਈ ਗੁਜੱਰੀ ਵਰਗੀ ਮਾਈ ਨੂੰ,

ਕੋਈ ਲੱਭੋ ਸੰਤ ਸਿਪਾਹੀ ਨੂੰ….

ਦਿਨ ਰਾਤ ਘੋਰ ਮੁਸ਼ੱਕਤ ਕਰਦੀ,

ਕਿਊਂ ਡੁੱਬਦੀ ਜਾਵੇ ਕਿਸਾਨੀ ਏ,

ਨਸ਼ਿਆਂ ਦੀ ਦਲਦਲ ਵਿਚ ਫਸ ਕੇ ,

ਅੱਜ ਨਿਘੱਰ ਚੱਲੀ ਜਵਾਨੀ ਏ,

ਗੂੜ੍ਹੀ ਨੀਂਦੇ ਸਭ ਨੇ ਸੁੱਤੇ,

ਰਾਜੇ ਸ਼ੀਂਹ ਮੁਕੱਦਮ ਕੁੱਤੇ,

ਦਿੰਦੇ ਮਹਿਣਾ ਨੂਰ ਇਲਾਹੀ ਨੂੰ,

ਕੋਈ ਲੱਭੋ ਸੰਤ ਸਿਪਾਹੀ ਨੂੰ..

ਦੱਬੇ ਕੁਚਲੇ ਲੋਕਾਂ ਦੀ,

ਬਾਂਹ ਫੜ ਕੇ ਤੁਰਨਾ ਜਾਣਦਾ ਹੋਵੇ,

ਕਿਰਤੀ ਧਿਰ ਦੇ ਹੱਕ ਲਈ ਬੋਲੇ,

ਨਾ ਪੂੰਜੀਪਤੀਆਂ ਦੇ ਹਾਣ ਦਾ ਹੋਵੇ,

ਹੱਕ ਸੱਚ ਲਈ ਜੋ ਫਾਂਸੀ ਚੁੰਮ ਲਏ,

ਕੋਈ ਭਗਤ ਸਿੰਘ ਵਰਗੇ ਭਾਈ ਨੂੰ,

ਕੋਈ ਲੱਭੋ ਸੰਤ ਸਿਪਾਹੀ ਨੂੰ…